MONDRAGONek pertsonak jartzen ditu enpresaren erdigunean, modu errealean, demokratikoan eta eraginkorrean, eta arreta eskaintzen die egonkortasun ekonomikoari eta ongizate iraunkorrari.
Hainbat alderdi, hala nola hezkuntza eta etengabeko prestakuntza, aukera berdintasuna, genero berdintasuna, enplegu egonkorra eta moldagarria, langileen parte hartzea eta babesa zein gizarteratzea, eredu kooperatiboaren berezko elementuak dira.
Enpresa eredu propioa, kalitatezko enplegua lortzeko helburua duena: kapitalean, kudeaketan eta emaitzetan pertsonen partaidetza eraginkorra eta integrala babesten eta praktikan jarriz.
Kooperatibek talentuaren garapena sustatzen dute, pertsonen plangintza estrategikoaren eta ekintzan oinarritutako ikaskuntza prozesu bizkor eta etengabeen bidez.
Funtsezko kudeaketa elementua da eta Osarten prebentzio zerbitzu mankomunatuaren bidez gauzatzen da. Prebentzioaren eta pertsonen ongizatearen kultura modu proaktiboan bultzatzen ditu.
Pertsonak babestuta daude, mutualistei eta onuradunei (LagunAro) gizarte laguntza eta aurreikuspena emateko sortutako sistema baten bidez. Sistema horrek hainbat alderdi garrantzitsu barne hartzen ditu, hala nola erretiroa, alarguntasuna eta ezintasun iraunkorra, enplegurako laguntza, aldi baterako ezintasuna, osasun laguntza edo familia prestazioak.
Aniztasuna, inklusioa eta justizia soziala gure ereduaren berezko balioak dira. Aukera berdintasunak, genero berdintasunak, parte hartzeak, gardentasunak eta etikak konpromiso eta proaktibitate maila handiagoak sustatzen dituen kultura bat sortzen dute.
MONDRAGONek euskara erabiltzeko eta normalizatzeko urratsak egiten jarraitzen du. Historikoki bultzatu den alderdia da, eta kooperatibak erreferente bihurtu dira arlo horretan.
Istripu tasa
Gobernu organoetan dauden emakumeak
2023an sortutako Enplegurako Laguntza Funtsa
Euskara sustatzeko planak
%43,3 EAEn;
%43,2 estatuan;
eta %13,5 nazioartean.
2023an, 6.042 lagun zeuden harpidetuta MONDRAGONen enplegu alerten sistemara (www.mondragonpeople.com webgunean), eta 708 eskaintza kudeatu ziren.
2023an, industria kooperatibetan, egun batetik gorako baja eragiten duten istripuen kopurua 28,68 da mila langileko, eta EAEn, berriz, 63,04.
2023an, 35,8M€ bideratu dira. Metatutako funtsa 128,72 miliokoa da, enpleguari eragiten dioten etorkizuneko krisiei behar besteko bermeekin aurre egin ahal izateko.
Emakumeen partaidetza gobernu organoetan %32,3koa da eta Zuzendaritza Kontseiluetan, %31,1ekoa.
55 kooperatibak garatu dituzte euskara planak eta, guztira, 35ek lortu dute Eusko Jaurlaritzak hizkuntza kudeaketari ematen dion BIKAIN kalitate ziurtagiria. Lan munduan euskararen erabilera sustatzeko Eusko Jaurlaritzaren LANHITZ programa osatzen duten 4 enpresatik 1 MONDRAGONekoa da.