Kooperatibek enpresa eredu arduratsu, demokratiko eta iraunkorra bultzatzen dute. Negozio lehiakorrak egiteko, pertsonen bizitza hobetzeko eta gizartearen erronka berriei erantzuteko (hala nola Garapen Iraunkorrerako Helburuak) lankidetzan ari diren pertsonak eta taldeak dira.
Atzetik datozen belaunaldientzat eta planetarentzat hobea izango den garapen eredua uztea da asmoa.
Kooperatibek munduko eta mundurako teknologiarik onenak garatzeko lan egiten dute; industria
deskarbonizatuak, zero hondakin filosofian, balio erantsi handiko produktu eta zerbitzuekin eta kalitatezko
enpleguarekin.
Gainera, gizarte eragileekin eta administrazio publikoekin lankidetzan aritzen dira, azpiegitura eta
ekimen sozial berritzaileak sustatuz; hazkunde ekonomikoaren, ingurumenaren babesaren eta gizarte
ongizatearen arteko oreka lortzeko.
Iparrean nahiz Hegoan, gizarte ekintzen bidez.
Fundazioak 80.000 pertsonaren bizitza hobetzen du Afrikan eta Latinoamerikan.
Elkartasunezko lankidetza babesik gabeko kolektiboekin. 10.000 pertsona inguruk urteko beren elikadura beharrak ase zituzten, Eroskiren eta hango bezeroen dohaintzei esker.
LagunArok gizarte laguntza eta aurreikuspena ematen die 28.228 mutualista aktibori (%46,2 emakumeak), eta guztira 56.799 pertsona onuradun daude (mutualista aktiboak eta euren seme-alabak).
OSARTENek Prebentzio Zerbitzu Mankomunatua biltzen du. 100 enpresak osatzen dute, eta 23.000 pertsonari ematen die estaldura. Taldeko enpresek Segurtasunean, Osasunean eta Ongizatean egiten duten inbertsioaren ondorioz, ezbehar tasaren indizeak EAEkoak baino %40 txikiagoak izan dira historikoki (Industria Sektorea).
MONDRAGONen lan egiten duten pertsonen %51,1 emakumeak dira. Kontseilu Errektoreetan %29ko presentzia dute, eta Zuzendaritza Kontseiluetan, %27koa. Kooperatiben %60k Genero Planak dituzte beren erakundeetan.
MONDRAGONek nazioarteko proiektuak eskaintzen ditu, hasi eta buka: ingeniaritza elektrikoarekin eta ura tratatzeko planten automatizazioarekin lotutakoak.
Energia berriztagarria sortzeko proiektuak garatzen ditu, hala nola Ekian, EAEko eguzki energia parkerik handiena. Eta Ekiola, formatu kooperatiboko energia komunitateak.
Eredu kooperatiboaren elementu nagusia da. MONDRAGON da EAEko lehen enplegu emailea, eta Estatuko lehenengo hamarren artean dago.
Enpresen ekosistema berritzailearekin, I+G+b-ko 12 zentrorekin eta Unibertsitatearekin, non 2.400 pertsonak baino gehiagok lan egiten duten eta patenteen 387 familia dauden indarrean.
MONDRAGONen enpresa ereduak ekitatea, bizi kalitatea eta aukera berdintasuna bultzatzen ditu.
Sarrerak goitik eta behetik homogeneizatzeko joera duena, gutxieneko soldataren eta gehieneko soldataren artean 1etik 6rako soldata eskalarekin.
MONDRAGONek programa anitzetan parte hartzen du: lurralde eta hiri plangintza estrategikoa, arriskuen ebaluazioa eta klima aldaketara egokitzea, hondakinak kudeatzeko azpiegiturak ezartzea, ingurumena eta gizarteratzea. Gainera, gure kooperatibetan euskara erabiltzeko eta normalizatzeko behar diren urratsak egiten jarraitzen dugu: 60 kooperatibak garatu dituzte euskara plan edo dinamikak eta, guztira, 53k lortu dute Eusko Jaurlaritzak emandako hizkuntza kudeaketaren BIKAIN kalitate ziurtagiria.
Osasuna eta iraunkortasuna gure kontsumo ereduaren zutabeak dira, eta tokiko produktuen aldeko apustu sendoa egiten dugu. Hornitzaileen %50 baino gehiago tokiko ekoizpen enpresa txikiak dira.
MONDRAGONek karbonorik gabeko ekonomia lortu nahi du. Salmenten %90ek kalitatearen kudeaketa ziurtatua dute eta %55ek ingurumen kudeaketarako sistema.
MONDRAGONek WWFk bultzatutako Arrantza Iraunkorraren ekimena babesten du.
MONDRAGONek bertako espezieak berreskuratzeko, basoak kudeatzeko eta tokiko produktuen ekoizpen iraunkorrerako proiektuetan parte hartzen du.
Eredu kooperatiboak gardentasuna eta partaidetza integrala ahalbidetzen ditu: jabetzan, kudeaketan eta emaitzetan. 664 pertsona (%39 emakumeak) urtero biltzen dira Kongresuan, eta organo horrek MONDRAGONen jarraibide edo irizpide orokorrak zehazten ditu.
Korporazioa lankidetzaren ondorioz sortu da. Eta akordioak egiten ditu hainbat sarerekin, bai eta nazioarteko itunak ere, bere gaitasun eraldatzailea biderkatzeko.
Kolektibo zaurgarriek elikadura osasungarria, nahikoa eta iraunkorra izango dutela ziurtatzea du helburu, familietan bizimodu osasungarriko hezkuntza sustatuz. Bestalde, emakumea enplegu duin batean hasteko trebatze tekniko eta profesionala bilatzen ditu.
+IKUSI
Fundazioen artean liderra da EAEn enpresak sortzen eta ekintzailetza sustatzen. Enplegua sortzen eta kontserbatzen lagunduko duten ekimenak bultzatzea eta ekintzak garatzea da bere helburua. 2022an, 314 enpresa eta 637 enplegu sortu zituen. Guztira, 6.000 enpresak baino gehiagok jaso dute laguntza.
+IKUSI
Hezkuntza kooperatiboa sustatzeko sortutako irabazi-asmorik gabeko erakundea da. Debagoienan (Gipuzkoa) hezkuntza azpiegituren garapena babesten du, gizartearen etorkizuneko erronkei modu kooperatiboan eta berritzailean erantzuteko.
+IKUSI
Erakunde honen helburu nagusia mendekotasuna duten eta premia bereziak dituzten pertsonen kudeaketa atsegin, zintzo, errespetuzko eta berritzaile baterako jarraibideak ezartzea da.
+IKUSI
Garapen ekonomikoarekin konprometituta dagoen toki garapeneko erakundea da, eta bere helburua da Lea-Artibai eskualdeko (Bizkaia) enpresa sarea indartzea, eragile publiko eta pribatuekin lankidetzan.
+IKUSI
MONDRAGONen integratutako kooperatiben eremuan ekonomia soziala, heziketa eta prestakuntza sozio-kooperatiboa eta profesionala eta ikerketa eta garapena sustatzeko, kooperatiben maila teknologikoa handitzera zuzenduta dago.
+IKUSI
Eroski Fundazioaren bidez, gizarte ekintzako ekimen ugari egiten dira, batez ere bizitza ohitura osasungarriak sustatzearekin, kontsumitzailea prestatzearekin, ingurumenaren defentsarekin eta elkartasunarekin lotuta.
+IKUSI
Hegoaldeko herriekin lankidetzan aritzeko sortu zen, esperientzia, bitarteko eta egikera kooperatiboak partekatuz, garapen autogestionatu eta integrala sustatzeko.
+IKUSI
