Industri alorrak motelaldia ezagutu zuen, eta horren lekuko da Espainian arloak % 1,2ko jaitsiera pairatu zuela, MONDRAGON korporazioko Industria arloak % 0,1eko hazkunde izan zuen, eta enplegu kooperatiboak aurrera egin zuen: 740 langile kooperatibako bazkide egin ziren.
Inbertsioek errekorra ezarri zuten: 872 milioi euro inbertitu ziren ekoizpen gaitasuna areagotzeko, nazioarte hedapenean jarraitzeko eta teknologia berriekin zerikusia duten eremuetan Korporazioaren presentzia areagotzeko. Nazioartekotzetan, Copreci Italian sartu zen Rampgas erosita, Maier Britainia Handian Chromeco bitartez, Eika Txekiar Errepublikan, Irizar, Coinma eta Danona Indian eta Copreci, Cicautxo eta Fagor Ederlan Brasilen.
Euskadiko Kutxak bere hedapen planarekin jarraitu zuen: 26 bulego berri ireki zituen, gehienak Gaztela eta Leonen eta Aragoin eta, horiekin, guztira hirurehun sukurtsalera iritsi ziren.
