Mondragon Kooperatiba Taldearen I. Kongresua egin zen eta bertan MONDRAGON Esperientzia Kooperatiboaren Oinarrizko Printzipioak zehaztu eta onartu eta Kooperatiben arteko Elkartasun Fondoa sortzeko araudia onetsi ziren. Fondo horren finantziazioa kooperatiben eta lanpostu kooperatiboen garapena eragitera zuzentzen da.
Ekitaldi honetan zehar 748 lanpostu berri sortu ziren eta, hortaz, plantilla 18.262 lan bazkide izatera heldu zen. Azpimarratu behar da igoera hori produktibitatea kaltetu gabe gertatu izana, produktibitateak % 4ko hazkundea izan baitzuen. Salmenta osoak 1.082 milioi euro (180.000 milioi pezeta) ingurukoak izan ziren, zifra absolutuetan, eta esportazioek % 8,8ko hazkundea izan zuten, eta 213,96 milioi eurora (35.660 milioi pezeta) iritsi ziren.
Eroskik Bilbon, Gasteizen, Leioan eta Urduñan zabaldu zituen bost zentro gehitu zizkion bere sareari, eta horri atxiki behar zaizkio Eroslen elkartuta
zeuden 176 dendak. Kooperatiba horrek urtean zehar informazio lan handia egin zuen Eroski eta Eroskide aldizkariaren bidez.
