Urte honetan Kooperatiben III. Kongresua egin zen. Biltzar honetan, MCCren Antolamendu Proiektua eta Lana Ordaintzeko Politikari buruzko Oinarrizko Araua onetsi ziren. General Motorsek MONDRAGON Europako urteko korporazio izendatu zuen, Kalitatea-Zerbitzua-Prezioa atalean. Urte honetan, hain zuen ere, LKS kooperatiba eratu zen, Euskadiko Kutxaren Enpresa Dibisioari jarraipena emateko. Irizar kooperatibak autobus eredu berria aurkeztu zuen, Century modeloa. Hori diseinatzerakoan kontuan hartu ziren erosotasuna, segurtasuna eta ekonomia. Azken horretan, beste kontzeptu batzuekin batera, erregaien kontsumoa gutxitzea izan zen helburu.
Orona eta Urssa eraikuntza alorreko kooperatibek Sevillako Expo 92 nazioarteko erakusketako eraikuntza nagusietan eta Bartzelonako Olinpiadetako kirol instalakuntza nagusietan parte hartu zuten. Fagor Sevillako Erakusketa Unibertsaleko hornitzaile ofiziala hautatu zuten. Horrela bada, Expo 92 hiriko etxebizitzak, Espainiako pabiloia eta hainbat pabilioi autonomikoetako ostalaritza
