Urtea oso negatiboa izan zen ekonomiarentzat, batez ere industriarentzat. Baina hori horrela izanda ere, Korporazioak portaera ona izan zuen, izan ere
Industria Taldearen eta Banaketa Taldearen salmentak elkartuta 2.549,70 milioi euro eta esportazioak 371,47 milioi euro izan ziren.
MONDRAGON kooperatibek Euskal Autonomia Erkidegoko industri enpleguaren % 7 eragiten zuten eta, Gipuzkoan sorturikoa kontuan izanda, eragina % 15etik gorakoa zen. Beraz, lurralde honetako industri sektoreko zazpi langileetako bat MCCkoa zen. Ikerlan Eureka proiektu berrian partaide zen. Orbea kooperatibak, bestalde, Euskadi Txirrindularitza Elkartea lasterketetarako txirringaz eta bestelako materialez hornitu zuen. Lagun Aroren eta Osakidetzaren artean lankidetzarako hitzarmena sinatu zen; horretan oinarrituta, Lagun Aroko mutualistek osasun sare publikoan artatuak izateko aukera eta eskubidea izango dute. Barakaldoko Max Center ireki zen eta, horrenbestez, merkataritza eta higiezinen egitasmo honen lehenengo ezarpena egin zen.
