1999. urtea MCCko kooperatibek garapenari eman dioten garrantziaren adibide garbia izan zen, urtean guztira 523 milioi euro bideratu baitzituzten inbertsioetara. Euskadiko Kutxak bilioiaren zifra mitikoa gainditu zuen: bilioi bat pezeta, hau da, 6.000 milioi euro bitartekatutako baliabideetan, eta % 12ko hazkundea izan zuen negozioan.
MCCren salmenta osoak ere gainditu egin zuen bilioiaren muga, 6.273,92 milioi euro (1.043.893 milioi pezeta) salmentetan. Eta zifra horretan zeresan handia izan zuten kanpoko salmentek, nahiz urtea nazioarteko merkatuen atoniarekin hasi. Urte honetan, Fagor Electrodomesticos kooperatibak eta MCC Inversionesek Poloniako Wrozamet elektrotresnen ekoizlea erosi zuten. Halaber, aipagarriak dira kanpoko lantegi berriak: Batzek Brasilen, Cikautxok Txekiar Errepublikan, Maierrek Britainia Handian eta Irizarrek Mexikon zabaldu zituzten. Euskalit Kalitaterako Euskal Fundazioak Urrezko Q saria eman zion Irizar kooperatibari eta Coprecik eta Fagor Electronicak Zilarrezko Q saria eskuratu zuten.
