Euroak dolarrarekiko izandako balore hartze handiak eragina izan zuen MONDRAGONen nazioarteko salmentetan, eta pixka bat jaitsi ziren. 2.155 miloi euro egin ziren esportazioetan eta kanpoko filialen salmentetan.
Euskadiko Kutxak bezero-enpresa Gestio Ereduaren ezarpenean aurrera egin zuen, eta segmentu horren zerbitzua hobetzeko hiru bulego misto zabaldu zituen; horrela, guztira, jada 336 bulego ditu eta 1.039.000 bezero. Lagun Arok, bere aldetik, 28.204 mutualista ditu, onuradunak 52.835 eta 6.523 pentsionista.
Eroski Taldeak bere hazkundeari eutsi dio, establezimendu berriak irekiz, eta horien artean aipatzekoa da Gasteizko Boulevard merkataritza gunean kokatutakoa. Mercat eskuratzeko finantzaketa Eroski Finantza Ekarpenen bigarren jaulkipenaren bidez lortu zen, eta 70 milioi euro bideratu ziren fondo horien bidez. Banaketa alorrean, Consum kooperatiba valentziarraren irteera gauzatu zen.
