Krisi ekonomikoaren lehen zantzuak sumatzen ziren eta urteak bi aurpegi erakutsi zituen. Lehen sei hilabetean hazkunde ekonomikoa zen nagusi eta bigarren sei hilabetean eskariaren jaitsiera nabaritu zen. Testuinguru ekonomiko horretan, MONDRAGONen salmentak % 12 hazi ziren.
Banaketa Arloarentzat Caprabo erosi zen urtea izan zen. Integrazio horrekin Eroskiren salmentak % 30 gehitu ziren eta 2,5 milioi bezero berri eskuratu zituen, Katalunian bereziki. Hedapen horretan zeresana izan zuten, halaber, irekiera berriek, aurreko urteko baino % 53 gehiago izan baitziren.
Finantza Arloan, Euskadiko Kutxaren negozio bolumenak hazten jarraitu zuen, % 8,7 emendatu ziren fondo propioak, eta bezeroen berehalako guztizko baliabideek % 8,8ko hedapena izan zuten, eta bezeroen kreditu inbertsioa % 15,5 hazi zen. Lagun Aro EPSVri dagokionez, zifra marka berriak lortu zirela azpimarratu behar da, nola mutualisten kopuruari dagokionez (30.476), hala pentsiodunen kopuruari dagokionez (8.176).
